jueves, 2 de octubre de 2008

MILLÓS DE ESPAÑOLES PROTESTAN

Zapatero quere nun ano outra lei do aborto, outra licencia pra matar e asesinar inocentes. [Imaxe, unha portada de La Razón]
-
Pontevedra, 2.10.2008

Entrada n. 611 do blog

MILLÓS DE ESPAÑOLES PROTESTAN
(perdido o enlace de LaRazón)
por Xesús López Fernández
-
O propio título contiña un enlace de La Razón de onte: a noticia en relación coa visita que o pai de Mari Luz Cortés, a nena asesinada, fixo ó señor Zapatero.
-
A noticia contén tamén un video cunhas declaraciós sensatas de Juan José Cortés, que aclara que a súa masiva recollida de asinaturas, 2360000, representan realmente unha protesta social que clama "por unha xusticia xusta", á que nos sumamos tódo-los cidadáns, descontentos dun ou doutro xeito de cómo van as cousas.
-
Coido que somos moitos os que nos solidarizamos coa campaña levada a cabo, que pedimos á Xusticia unha maior seriedade e independencia total do Executivo. Se queremos que o país quede limpo de tantísima vasura [asesinos, prevaricadores apoltronados en cargos públicos, delincuentes comúns e ambientalistas, narcotraficantes, pedófilos, neoestalinistas con pel de demócratas, etc], a Xusticia ten que funcionar.

martes, 30 de septiembre de 2008

SKATERS EN PONTEVEDRA

Chan da Casa da Luz. Unha mostra da pegada dos skaters, qu´a Policía Local non ve. (Foto do autor)
-
Pontevedra, 1.10.2008
-
Entrada n. 610 do blog
-
[SKATERS EN PONTEVEDRA],
por Xesús López Fernández
-
O propio título, no que debedes picar, corresponde a un enlace de YOUTUBE. I é indicativo do que xa temos anticipado nun traballo anterior sobre a desfeita da vella balaustrada do Museo [a nova, polos distintos niveles que leva, mostra un efecto tsunami], no sentido de que o espacio profanado podería face-las delicias dos skaters. Pouco tardaron.
-
Esta é unha mostra. E ó ve-lo video, aparecen referencias a outros de piruetas da rapazada do monopatín. Nalgún caso parecen menores de edade, pode que algún dos que me denunciaron cando tomei constancia cunha cámara da súa agresión no baixo da Casa da Luz, que mostra non poucas das súas lousas, finas, esnaquizadas a consecuencia, antre outras cousas, dos brincos que fan coas súas piruetas.
-
A Policía Local xa non acode a maioría das veces, non atende as denuncias dos veciños que non soportan o ruído case infernal que fan. Pero sí viñeron á miña casa cando os rapaces me denunciaron, por seren menores de edade. Non queren que os fotografíen, pero eles están decote filmando as súas acrobacias que despois, vanidosos, penduran na rede, en YOUTUBE. Os axentes non viron o que todo o mundo ve: un chan deteriorado. Os axentes non lle deron importancia ó feito de que os skaters tumbaran un contenedor pra usalo como rampa. Os axentes non apeciaron danos, según me dixeron. Política de avestruz a ordeada polo concellal responsable de seguridade cidadáa. De vergonza.
-
Pero ésa é a Pontevedra que queren Lores e Mosquera: a da accesibilidade, sobre todo prós skaters e, últimamente, prás bicis, que o propio Concello vai brindar en réxime de aluguer. Aldeanismo en estado puro, porque skaters e ciclistas son un peligro real e non poden compartir espacio cos peatós. Os urbanistas non tiveron a decencia de pensar en sendas urbáas prás bicis, nen nun espacio prós skaters. E xa ten habido algún accidente. [Fractura de nocello a unha señora, na Ferrería.]
-
Pero, tempo ó tempo, que o peor pode estar por pasar. Nese momento, as víctimas deben ter claro que hai un responsable principal: o señor Lores, que lle está a dar áas ós dous colectivos, brindándolles os espacios públicos. Nalgús, xa non se pode pasear, nen descansar. I é vergonzoso ver cómo os viluricos do monopatín se concentran diante do hiper de Froiz, a molestar ou a escachar nartellos d´algún ou d´algunha siareira do centro comercial. Seguro que os skaters non chegan a Carrefour.
-
¿Accesibilidade? ¡Pra eles!.

NOTICIA CELULÓSICA DO URUGUAI

Ence, en Lourizán. Madeira astillada posiblemente de orixe uruguaia.
-
Fray Bentos: "No se sabe de dónde viene el mal olor" [El País, Montevideo,Uruguay]
-
Pontevedra, 30.09.2008
-
Entrada n. 609 do blog
-
NOTICIA CELULÓSICA DO URUGUAI,
por Xesús López Fernández
-
A noticia que encabeza esta entrada foime remitida dende o Uruguai por medio dun e-mail de Horacio Álvarez, nesta mesma data. Agradecido. Malas noticias. Nada que non estivese na axenda de Ence-Eufores ou de Botnia, que están cambiando a forestación daquel país a base de conformar máis e máis hectáreas de deserto verde, de colonización eucalipteira, esas árbores que, como dí Eduardo Galeano, avanzan como soldaditos ou, como teño dito eu nalgún artículo de hai moitos anos, avanzan como un exército de ocupación sobre a paisaxe que van desnaturalizando.
-
Diversos grupos do país ou da veciña Arxentina manteñen a súa resistencia, pero o aviso que agora chega do Uruguai do pestazo ambiental apoderándose das súas vidas, significa que as industrias de enclave están a gañaren a partida.
-
¿Lémbranse da visita do anterior presidente uruguaio, Batllé, a Lourizán, da man do señor Fraga? Don Manuel, situados ambos na fábrica dixéralle d´aquela: ¿Cómo diría que huele?, Yo diría que como a marisquería, foi a resposta de Batllé, ¡Pues allá aún va a oler mejor!. Xa cheira a drama.-
-
Seguro que tanto no Grupo Guayubirá [cuia web figura relacionada á dereita deste blog], como nas xentes de Gualeguaychú, Arxentina, aínda deben estar vivas as palabras dunha carta remitida dende España, que comezaba así: "¡Menuda maldición os ha caído!". Era un preaviso. A maldición xa está concretada gracias a Batllé e a Taberá Vázquez.
-
Nas poboaciós próximas xa deben ser evidénte-los casos de enfermedades do tracto respiratorio, bronquitis asmatiforme fundamentalmente; talvez tamén conxuntivitis; pode chegar, dentro duns anos a hora dos cánceres de colon e do mal de Krohn; tamén a da morte das augas.
-
Consumada a traición política, o clúster celulósico ha seguir traballando as conciencias das xentes pra que vexan o negro branco. E, tristemente, pode que de pouco valan as protestas dos citados grupos ou a pedagoxía de Carrere.
-
Que lles quede como constancia que aquí, Ence, coa concesión presuntamente caducada, aínda está. E as forzas da sinrazón empresarial queren mantela. Como se non existise outra forma de agradece-la producción da natureza que a de dar morte a unha ría ubérrima, parece que acochambádo-los políticos de diversa etnia. Todos.