A GRAN DEBOURA

Na foto de El Mundo, como nas dos outros medios, evidénciase a presencia de xentes de Bora e Marcón, que mostran a súa protesta: Ence non!. A pancarta do fondo tamén sumaba contra Telmo Martín no pleno da súa reprobación polo combinado BNG-PSOE.

Pontevedra, 26.04.2011
Entrada n. 1423 do blog

A GRAN DEBOURA,por Xesús López Fernández

A palabra "deboura", propia de Láncara, en Lugo, significa "debate con boureo", con ruído e berros. Tamén garda relación coa mesma a palabra "boureta". Andar ás bouretas ven ser algo así como andar a se insultar. Nese sentido o pleno de onte foi un pleno con bouretas, como teñen sido outros, de tono aínda máis sobido e con insultos impensables antre políticos profesionales. ¡Claro, é que non son políticos profesionales i están faltos de temple!.

Pero estamos a punto de ver cómo se desencadea unha gran deboura municipal, ou varias, debates airados e manifestaciós, porque Telmo Martín, o candidato do PP que foi reprobado polo goberno roxo da capital, acaba de cometere algús erros graves de campaña, cando podería ter unha folla de ruta, en plan rexeneracionista, con maioría absoluta cantada. Pero....

Acontece que, lonxe de asumi-la súa línea de "ecoloxista se volva" das elecciós anteriores, insistindo nunha restauración real das marismas de Lourizán; no canto de loitar de forma franca contra a corrupción, non se lle ocurre mellor cousa que insistire en levar Ence pra Bora-Marcón. Non importa que falen de novas tecnoloxías, e un xamón, porque unha pasteira sempre contamina no caso de ter vertidos. ¿Solución? Vertido cero. E pra eso non ten por que se situar en Bora-Marcón, que Pontevedra leva sofrido moito polo enclave desa fábrica nas marismas de Lourizán, do que só se poderían derivare problemas prá saúde e convivencia humáas, según apuntaba o ministerio de Vivienda nos anos 1971 e 1973. Habería, pois, que pensar nun traslado, decía o ministerio franquista. E se queredes aínda podemos traer aquí as palabras do propio Franco cando lle meteron o gol de situaren aí esa fábrica de exterminio: "¡Pero, Dios mío, qué han hecho! ¿Pero no había otro sitio?..."

I Ence valeu como cimbel electoral pró Bloque. Nos últimos anos sumaríase ás marchas sobre Lourizán que organiza a APDR o propio PSOE que desta volta, ¡zas!, sóbese ó tren electoral dos nazionalitaristas potenciando a que vai ser gran deboura por culpa de Martín: a posta en marcha da protesta das xentes de Bora e Marcón. Fácil prever, polo tanto, manifestaciós pra seguiren a engañar ós cidadáns, porque nen BNG nen PSOE estiveron estos anos por lle poñer fin á presencia de Ence en Lourizán. É decir, non estiveron polo labor máis alá daquela astracanada que intentaron e da que este blog garda memoria, de cando formaron o bipartito xunteiro e brindaban como lugar o polígono de Barro-Meis, terra d´albariños. Forneceríase d´agua dend´O Pontillón do Castro, o encoro da traída de Pontevedra, e verterían, naturalmente, á ría de Pontevedra, pero con outras medidas, que agora estaban gobernando os "puros". E financiarían o traslado, lembrémolo, coas plusvalías que se xeraran coa conversión das marismas de Lourizán en solar no que a Autoridade Portuaria construiría vivendas sociales. Enxeñería social estalinista..

Se queren cerrare Ence pódeno facer mañán, porque o Grupo Empresarial Ence, S.A., que así se chama, presuntamente non ten concesión. Como no caso Holcim, que nen tan siquer ten licencia municipal, pero leva aí o tempo que leva porque a corrupción está en tódo-los ámbitos tocados da política. E senón, xa veredes, fan novamente pacto de "¡Ence fóra da ría!", pero eles non-a van botar, porque están enzudrados nese como nos outros temas do porto sobre os que hai catro ou cinco sentencias firmes do TS, que permanecen sen execución porque non queren nen o BNG, nen o PSOE nen o PP.

Pero tal como os roxos manexan o agit-prop, Telmo Martín vai perde-lo poder de forxar novas ilusiós na poboación, que tampouco está dacordo coa súa pretensión de desface-la praza de Galicia, pola que aínda hoxe dei unha volta: cantaban os paxaros nos freixos de comprida copa, como tamén ó longo do bulevar de Augusto García Sánchez. Telmo non lle vai dar máis encanto ó lugar. E aí pode perder outra bolsa de votos.

P.S. Percibo antr´as xentes unha gran decepción e de cada volta é máis a que dí claramente que non vai votar, porque ve ós tres partidos comestos pola presunta corrupción.

Enlaces:

Faro de Vigo: O bipartito reproba a Telmo Martín como xefe da oposición.

El Mundo: O pleno de Pontevedra reproba a Telmo Martín á fronte da oposición.

Diario de Pontevedra: Veciños e goberno local rexeitan a idea do PP de reubicar Ence en Bora-Marcón.

O GOBERNO LOCAL "ECOLOXISTA"

Foto da exposiciòn do PXOM de Pontevedra.

-

Pontevedra, 13.01.2009

-

Entrada n. 780 do blog

-

O GOBERNO LOCAL "ECOLOXISTA" .

por Xesús López Fernández

-

O plan sigue o seu curso, secretamente. Xa temos comentado qu´o equipo redactor, privado polo goberno local dun xeneroso estudio e redacción da Axenda21Local, porque este era o momento, non pode face-los deberes en debida forma. Proba delo é a construcción da ponte d´A Correntes, o gran capricho de Mosquera ou a súa intención de construi-lo macronudo de Mollabao, agora tamén a pasarela que continuaría coa de Ana Pastor pola Avenida de Marín, no canto de pensaren en recupera-lo capital natural do litoral. O concellal, a súa forza política, parece estar pensando máis en Lourizán como solar e na xunqueira d´Alba como espacio a degradar máis, cada vez máis presionado.

-

Siguen tres noticias de La Voz de Galicia d´hoxe:

-

Alegaciós ó PXOM. Apenas vai ser atendida unha de cada catro.

Ponte da Puntada, qu´o ministerio da Vivenda recomendaba, no 1973, que non se construíra. Suxería outro trazado prá autopista, asunto no que o Concello non quixo alegar ante o MOPU. Tamén d´aquela manifestaba o ministerio que a fábrica de celulosas i Elnosa foran un error do que soamente se poderían derivar problemas prá saúde convivencia humáas. Denegaba a recalficación de chan que pretendían os caciques locales convertire en solar, algo do que pode estar a pasar agora.

-

A ampliación da autopista pode facer aínda máis dantesca esta obra, que desconfigurou o espacio d´A Puntada e mai-la ensenada de Portosanto.

-

Noticias de La Voz de Galicia:

-

Louro, que xa falaba hai máis de catro anos da nova autovía Pontevedra-Vigo, gratuíta, reconoce que sí se vai construir, pero que aínda non hai trazado. Outro vendedor de gaseosa.

-

Outra noticia:

-

As asociacións de veciños de Xeve e Bora manifestan ante Fomento que a circunvalación arrasaría ésas parroquias.

A PONTE DA PUNTADA [5.10.2007]

Un dos "fondos mariños" informáticos do autor, que aprendeu a nadar en Lourizán e na praia da Puntada, un dos nomes que Colón, que naceu por alí cerquiña, levou a América. Hoxe, o espacio e un fondo de miseria, traicionada a ría polas camadas políticas, polos novos Maquiavelos de que fala Al Gore, premiado co Nóbel da Paz.

Pontevedra, 5.10.2007

A PONTE DA PUNTADA,
por Xesús López Fernández

As palabras de Mosquera [en relación cos estudios e proiectos da Xunta en materia de tráfego] advertindo que sería un erro ampliar aínda máis a ponte da autopista, que consolidarían esa agresión, pra pouco despois decir que non se trataba de derriba-lo viaducto, que non era eso o que estaba a suxerir, corresponden ó seu estilo de falar, cando realmente habería que lle botar valor e actuar como cando foi do scalextric da rúa Lepanto, en Vigo: derriba-la ponte que nos privou dunha paisaxe declarada pintoresca, que convirteu o espacio do fondo da ría nunha especie de patio de luces, colmado de agresión.


A ponte da Puntada foi un disparate. E foron culpables principales os dirixentes do Concello, porque cando no 1973 o Ministerio da Vivenda botou abaixo o PXOM do 1970, rexeitando a recalificación como chan industrial das marismas de Lourizán, ó tempo que advertían que Ence i Elnosa eran dúas industrias mal ubicadas, de cuia presencia soamente se habían derivar problemas prá saúde e convivencia humás, avisaba tamén ó Concello pra que solicitara ó Ministerio de Obras Públicas outro trazado prá proiectada autopista, mellor polo Leste da cidade, porque a prevista ponte da Puntada tería un impacto paisaxístico brutal, como así foi. Os políticos locales non estiveron polo labor, faltos de sensibilidade.


Foi unha pena que coa chegada da democracia se lle outorgaran ós concellos unha sería de iniciativas en Urbanismo que no caso de Pontevedra están, decote, configurando aquí unha especie de Gulag, conforme ó modelo soviético. Que agora digan que a ponte da Puntada foi un erro, aparte de que teñan razón, non-os canoniza. E veremos qué vai dando de sí o paquete de medidas duras, de agresión ó entorno do Lérez, como as dúas previstas pontes nas Correntes i en Monteporreiro.


Teremos que nos preparar pró debate, pra explicar ás xentes do qué vai a Axenda 21 Local, porque non se poden admitir algunhas das afirmaciós feitas ó seu abeiro, en relación coa falacia da depuración de Lores, gastando cartos da Unión Europea no tendido de colectores ou na construcción da depuradora d´Os Praceres, actuaciós que van en contra da Lei de Costas.


¿Haberá que consentir que sigan a faceren disparates pra que dentro duns anos volvan con que todo o que fixeron, a planificación da involución da cidade, a conversión da ría nun canal morto no que xa non canten as mareas, que todo foi un erro? Seguro que moita xente non-os vai perdoar nunca.