EDIFICIO PIRSA, TAPADO

Fotografía de La Voz de Galicia. O edificio Pirsa, tapado. O edificio 10, edificio intelixente, lembrémonos.

-

Pontevedra, 21.07.2009

-

Entrada n. 1016 do blog.

-

EDIFICIO PIRSA, TAPADO,

por Xesús López Fernández

-

Pisos de máis de cen millós das vellas pesetas. Edificio sen garaxe. ¿Quén está disposto a desembolsar ese diñeiro, caso de télo, pra non dispoñer duns mínimos de calidade de vida, nen tan siquer do silencio noitarego en chegando as festas?. Porque xa está alí montado o aparatamen todo pra face-la zona vella menos habitable. ¡E Mosquera decía que estaban vendído-los pisos todos, que si incluso había lista de espera por si alguén fallaba!. Pois alí están, polo menos dous dos pisos co seu letreiro de "se vende". ¿Pero quén coño vai comprar? E poden ser máis os pisos que agardan comprador.

-

Os propietarios acaban de perde-lo pleito ante o xuzgado. Tiñan a esperanza de evita-los ruídos no espacio da Ferrería, pero A Xusticia que entrou no asunto non fallou como parece é de sentido. Noutras cidades i en relación con asuntos menos fortes que este, os xuzgados teñen sentenciado a favor dos demandantes. E aquí non hai por qué esperar menos, pero o camiño pra unha sentencia cabal terá de ser, seguramente, máis longo. Ó mellor chegar incluso ó Tribunal de Dereitos Humáns, de Estrasburgo.

-

Enlace:

La Voz de Galicia: El juzgado rechaza el contencioso contra los conciertos en la Ferrería.

-