Xosé Manuel Pereira, historiador local que leo con franco interese, especialmente por ter denunciado públicamente a reconversión do idioma galego en galegués. Se antes escribía en galego agora faino normalmente en castelán. Hoxe persenta un libro sobre "A aventura termal de Casimiro Gómez". Na fotografía de La Voz de Galicia, Xosé Manuel Pereira ante as ruínas do vello balneario de Monteporreiro, que se chamaba realmente Balneario de Villa Buenos Aires.
Antigua fotografía do balneario que no seu tempo de esplendor era visitado por Montero Ríos, González Besada, Vincenti e Bugallal. O lugar tamén foi visitado por Canalejas, pola infanta Isabel de Borbón, o Sultán de Marrocos, Muley Haffid, así como médicos, periodistas i escritores ingleses, según inventario aproximado que fai o seu historiador. (Foto de La Voz de Galicia)
-
Pontevedra, 25.02.2010
-
Entrada n. 1183
-
A AVENTURA TERMAL DE CASIMIRO GÓMEZ,
por Xesús López Fernández
-
Hoxe será persentado un libro sobre a gran figura de Casimiro Gómez, o creador da finca de Monteporreiro, que eu conocín no seu devalo, pero que funcionaba como parque e pulmón da cidade. Nos últimos trinta, o balneario era xa unha ruína, pero se mantiñan algús dos usos da granxa con galiñas de diversa caste: as brancas Leghorn, as case roxas Rode Island, pedresas, as negras casteláas, etc. Asombraba o paseo central con eucalilptus de diversa especie, que remataba no edificio do mirador-biblioteca, aínda aceptablemente conservado.
-
Por moitos anos Monteporreiro foi espacio de camiñatas, cos puntos de encontro citados, ademais do desembarcadeiro, lugar de baño obrigado. Na campa frente ó convento de San Benito había unha casa, coido que morada dun guardabosco ó que conocín persoalmente. Agradáballe falare do pasado da finca; mesmo me mostrou en certa ocasión unhas bandas de papel, etiquetas que quedaran sen uso unha vez suspendido o embotellado das augas mineromedicinales de Monteporreiro.
-
Xosé Manuel fixo un verdadeiro labor de investigación que vai servir pra nos achegar á figura de Casimiro Gómez, un daqueles espíritos emprendedores dos que a nosa cidade quedou privada. A persoalidade que nos descobre Xosé Manuel é a dun verdadeiro titán que soupo emigrar, aprender e construir un imperio con renome internacional.
-
Traballo serio o de Pereira; nada que ver coa ópera bufa do "purolérez.com" do BNG. Pero mellor leé-la noticia de La Voz de Galicia desta data.
-
2 comentarios:
Creo lembrar que para a promoción do balneario Casimiro Gómez fixo tamén uns plans do río Lérez no que figuraban os salóns co seu nome.
Non che sei. Nen puiden asistir tampouco á presentación do libro, que parece prometedor.
Seguro que has dar con ese dato.
Saúdos.
Publicar un comentario