TERRAS DE PONTEVEDRA

As obras da rúa San Sebastián comezaron en Setembro-Outubro do pasado ano. Aínda non remataron. Pero hoxe, como onte, estiveron medio paradas pendentes do inspector de Gas Natural. Ah, e chegoulles a orde de libera-lo espacio da mal chamada Casa da Luz, o frente e o lateral que dá a esta rúa, porque o próximo Venres é a inauguración do local de Terras de Pontevedra, Turismo de Pontevedra ou como se chame.

Esta non é a foto finish da obra da que agora vai funcionar como Turismo de Pontevedra, Terras de Pontevedra, pra non se sabe ben qué, porque en Pontevedra existen xa unha oficina do Ministerio de Turismo e outra dependente da Diputación, parece que saboteada coas obras de Santa María. Por certo, na "nova" avenida de Santa María, na que fora un espacio emblemático, non preveron iluminación de nengún tipo. ¡Estos arquitectos...! A algún habería que lle retira-lo título.
A que fora pensada como lonxa prá venta de verdura pasaría co tempo a ser oficina da Policía Local, con cuartel neste edificio, cerrado o espacio baixo cunha certa dignidade pra oficinas dos guardas. E podíanse ve-las arcadas todas da lonxa, xa convertida noutra cousa en función da burocracia policíaca.
-
Pontevedra, 10.02.2010
-
Entrada n. 1157 do blog
-

TERRAS DE PONTEVEDRA,

por Xesús López Fernández

-

Ó longo de meses e meses estiveron obrando na renovación interior do edificio. Non se ben entende tanta demora, como que en poucos meses fará un ano que se dou comezo á obra. Por empecinamento de Mosquera e Pilar Rojo, a ver quén dos dous facía máis por desnaturaliza-lo espacio [Mosquera a se carga-la praza da Verdura, cortando catalpas, levándose os bancos, prá súa conversión en praza Roxa; Pilar Rojo coa imposición de deixa-lo baixo do edificio sen amparo prá súa posterior conversión en solar de skaters, a consecuencia da súa irreflexiva decisión].

-

A punto de inaugura-lo local, máis parece pensado como salón recreativo, doutado de seis, talvez máis pantallas Samsung, seguramente pra mostrare ás xentes que acoden á praza, e ás que non acoden, as maravillas turísticas da nosa provincia, especialmente a "ruta dos arrieiros", que sei foi unha das primeiras ideas apuntadas polo sanedrín da cousa ésta que agora nace e na que non comprendemos gastaran o que din gastaron: uns cen millós das antiguas pesetas.

-

Quixera apostar por este invento, pero non podo. Síntoo. Aínda hoxe oín, nunha panadería da zona vella, o comentario de que algunha taberna xa só compra pan os Venres e mai-los Sábados, que xa non acode a xente, que o modelo Lores de cidade non vai e a zona morre, malgastádo-los cartos da UE pró Plan Urban. ¿Haberá que devolvelos?. A denuncia sí é procedente. Ante a UE. A ver se o facemos. Animádevos. Ó mellor vale a pena facelo a través de Facebook.