O RETORNO DOS BRUXOS

Privados dos seus cargos en Santiago, regresan a Pontevedra Carme da Silva e Lois Bará, que xa están no Concello; a primeira, como asesora de Lores; o segundo, como concellal non electo que se vai ocupar, antre outras cousas, do tema da accesibilidade. El fixera, cando se cerrou a praza da Verdura pola parte baixa, coa fonte, unhas declaraciós no sentido de que descobriran as posibilidades escénicas daquel espacio retirándoa da parte alta. Hoxe, o espacio é lugar dun terraceo certo de miseria. E de trapicheo.

Esta é unha foto de restos da muralla, unha trampa pra cegos falando de accesibilidade. Tres ou catro tendas que existían alí do lado, están cerradas. A ver si agora Bará ten a dignidade de cerra-la fochanca esa e, ó mesmo tempo, face-lo entorno máis permeable, porque a praza de Abastos morre a consecuencia da política destos últimos dez anos de cerrazón.
A Glorieta de Compostela xa non é arteria. O solar de miseria no que convertiron á zona vella, xa bate aquí. Todo sexa en beneficio dos cans. E das terrazas,
de bares que non teñan a capacidade de recolleren mesas e sillas.
Outra demostración da pernocta do mobiliario dos establecimentos dinamizadores da zona. Por certo, a política de baldoseo aquí cristalizada fora deseñada, en parte, por Carme da Silva, que seleccionara as baldosas e terrazos en compañía de Mosquera.

A praza da Leña, igualmente ferida pola constante do terraceo de miseria.

Os políticos repescados: A asesora que cando foi concellala de Medio Ambiente non fixo absolutamente nada máis alá d´escollere con Mosquera os terrazos que, desta volta, ha poder ver, en Daniel la Sota, na Peregrina ou en Sagasta, que están escachados moitos deles.

-

Pontevedra, 17.06.2009

-

Entrada n. 982 do blog

-

O RETORNO DOS BRUXOS,

por Xesús López Fernández

-

O título é un decir. Máis alá da retranca carece de valor. Simple comentario pra un regreso que entendo completamente innecesario. ¿Qué van face-los dous?

-

Como a política de "baldosa" do Urbanismo local permanece, ó mellor Carme da Silva terá que asesorare sobre a color de novas instalaciós, porque o baldoseo ha seguir incluso no ensanche de Eduardo Pondal, onde xa están deseñadas novas rúas estreitas, novos calexós como patios de luces: a impotencia pra faceren cidade. Ó mellor aínda se lle ocurre unha nova solución prá praza da Castaña.

-

E o Lois Bará, o ideólogo da Feira Franca, pode ó mellor comezar co deseño da nova ponte do Burgo. A ver cómo van se-las torres porticadas a ambos extremos da ponte. Todo a maior honor e gloria da cidade, pra unha consolidación certa de miseria deseñada polo equipo de goberno dende hai dez anos.

-

¡Cánto costa deixa-la política, as prebendas, o diñeiro fácil! Aínda que Lores nos diga que o "retorno dos bruxos", dos seus bruxos, vai ter un coste cero. E un xamón, porque calquera cousa que fagan é seguro que non vai traer beneficios prá cidade.

-

E andan agora preocupados pola manifestación do 19-J, cando a involución desta cidade estivo marcada por estos chacaritas ó longo dos últimos dez anos. Saben que están desacreditados e que, sen manifestación, xa non poden alabarar á cidadanía. Profetas de miseria.