EN SANTA MARÍA, PONTEVEDRA.

Parte da cimentación das torres arzobispales dos Churruchaos, aparecidas na cata que se está a facer diante do pazo das Mendoza.

Especulan sobre a posibilidade de que a esfera de 60cm de diámetro que mostra a foto tivese relación cun sistema de ataque ás torres, cunha catapulta.

Pontevedra, 22.11.2008

Entrada n. 716 do blog

EN SANTA MARÍA, PONTEVEDRA,
por Xesús López Fernández

As obras que están a faceren son unha dolor, desconfigurádo-los xardíns da Avenida de Santa María, ou desaparecidos xa. Parece que tamén eliminada a fontiña que alí había como ornamento, mellor pensada e deseñada que non o enxendro da Glorieta de Compostela, mal remedo da existente na praza de Galicia.

Certo que os achádegos ós que se refiren as fotos parecen importantes, pero... ¿qué van facer?. ¿Vai quedar éso á vista pra atrancaren aínda máis a vida urbáa, o pulo económico da cidade, como aconteceu co tramo de muralla que deixaron á vista dediante do Mercado, especie de muro das lamentaciós, moitas veces convertido en especie de contenedor, de ruína terminal?.

Se siguen buscando, ó mellor aínda atopan algún pasadizo do que teño oído falar, do que posiblemente exista unha entrada en certo lugar da enfesta de San Telmo que eu me sei. Se así fose, ó mellor xa tiña Teresa Casal o paseo soterraño que está a pensare.

De certo, a Avda. de Santa María vai quedar arrasada. Era un dos espacios máis emblemáticos de Pontevedra. Agora, o xardín mirra decote máis e máis. ¿Salvaráse o monumento a Castelao? Porque como os nazionalitaristas fixeron del un icono aínda sen te-lo home un pelo de comunista, ó mellor se salva.

Que miren cara atrás e reparen no que fixeron co monumento a Alexandro Bóveda (nunca se chamou Alexandre), antes máis íntimo e sobre un pequeno xardín, agora convertido nunha especie de gran chupa-chups, alí, na praza de Curros Enríquez.

Non quero pensar qué vai pasar con Santa María e o seu entorno, pola carga involucionista que estos gobernantes locales levan na alma. E seguimos sen decidirnos a configurar, a nivel de sociedade civil, unha alternativa real de goberno, porque ó PP, qu´o podería ter fácil, fáltanlle ideas e transparencia prá necesaria reconversión.