VANDALISMO EN SANTA MARÍA

Carballos americáns de gran porte, eliminados polo talibanismo urbanístico do Concello. Foto de La Voz de Galicia. Pergunta: ¿Ónde irá esa madeira?

Esta foto pode ser de fins do século XIX. Mírase o que era a conexión da Xunqueira d´Alba coa ría, tamén o litoral ó pe de Santa María, visible o Campillo arborado que aparece na foto seguinte, parece que sen árbores. (Clicade sobre a foto pra vela ampliada)

Fotografía do Campillo de Santa María, na arrancada do século XX. Era un mirador á ría e á Xunqueira d´Alba, a mesma que queren seguir acosando os "verdes" do Concello . Que non digan caralladas. (Clicade sobre a foto pra ve-la imaxe ampliada).

Pontevedra, 9.11.2008

Entrada n. 695 do blog

VANDALISMO EN SANTA MARÍA,
por Xesús López Fernández

Volveu o espírito arboricida a se manifestar nas actuación urbanísticas do Concello, no entorno de Santa María. Os exemplares de carballos americáns alí prantados, conformaban un espacio harmónico, elegante, alén do problema do botellón agora trasprantado á Xunqueira. A idea das luminarias que temos en Urbanismo no Concello propoñen o mesmo convertí-lo campiño de Santa María nun espacio en caída, como a abada dun monte, mentres ó mesmo tempo siguen arruinando a cidade como tal en moitos dos seus lugares i espacios naturales, como na ponte do Burgo, en Arzobispo Malvar, que foi arteria de progreso, ou a construcción da ponte das Correntes... ¿Pero qué queren, recuperar ou degradar, acabar coa progreso e co mar á vez?.

O vandalismo desta volta é como o activado na desfeita da praza da Verdura, agora unha costa; que se loce unha arboreda nova e cun certo protagonismo outonal é porque daquela se xuntaron 1188 asinaturas de protesta. A idea de prantaren alí liquidámbares estivo condicionada pola dita protesta i en base ó libro titulado "All about trees", de Ortho Books, que este que escribe regalou ó ceporro de Fole, o arquitecto que desgraciou a Pontevedra vella e que, según parece, sigue a ter protagonismo no Campillo. Pero xa hai máis dun ano que avisaba do peligro dunha actuación asesina sobre aquela arboreda. Propoñía que, incluso, a Asociación Santa María asumira un papel activo na súa defensa, porque o talibanismo instalado no Consistorio podería dispoñer unha nova morte total, como fixo coas catalpas da praza da Verdura ou, recentemente, cos castaños doutro espacio que están a desgraciar, a praza da Castaña.

Introduzo dous enlaces sobre o particular, á par que unha fotografía da arrancada do século XX, de cando o Campillo era un mirador. As árbores que se aprecian na foto, por suposto, non foron prantadas nos anos 50. Que se calen. E ós veciños de Santa María, desta volta, non lles queda o recurso de se despedire da arboreda, como se comenta no artículo tomado do Xornal.com, nen de protestar por medio de pancartas. A súa actitude, aldeáa, conecta coa dos responsables do talibanismo urbanístico do Concello.

[Faro de Vigo, 9.11.2008]

[La Voz de Galicia, 9.1.2008]

[As árbores indefensas, artículo do titular do blog, do 8.01.2007, no Xornal.com]

[La Voz de Galicia, 4.11.2008]