A PONTE DAS CORRENTES

Vista da Moureira, dos peiraos do río Gafos. Aínda se aprecian hoxe algunhas das casas. A das columnas é a vella leprosería, onde se daba atención ós malatos, que así se chama tamén en galego ós gafos.

Pontevedra, 17.07.2008

Addenda do traballo "A ponte das Correntes".

A nova Ponte das Correntes precisaría dunha información complementaria, da exposición que seguramente podería artellarse aínda dende a Asociación San Roque, que de vez en cando rescata vellas fotos de tempos idos, como as que agora presento, fotografías de postales da arrancada do século XX. Pode que algunha corresponda ó século XIX. Aínda que a calidade non é moita, valen como mostra, como testimonio.

Panorámica dende a antigua ponte da Barca, sobre a ponte do camiño de ferro. Apréciase como á ría lle están a roubare non pouco espacio, o que non quedaría así, porque a actual Avda. Uruguai sería ancheada aínda en data recente.

Vista da Moureira, fronte a Portosanto. Aínda debe permanecer algunha edificación das que se mostran na foto.

Vista dende o Vao. Aínda non existía a estrada --o paseo de D. Fontán-- que vai dende a ponte do Burgo a Poio. Se queren restaura-la Xunqueira d´Alba, esta estampa podería mostrarlles as pautas a seguir, se queren actuar como ecoloxistas e non presumir, simplemente, do que non son.

Panorámica das dúas pontes: a vella de ferro da Barca e a do ferrocarril. En primeiro plano, apréciase a acumulación de material, posiblemente pra lle roubar espacio ás mareas, xusto á altura --alí estaba, á dereita-- da casa-solar de Sarmiento de Gamboa, o primeiro navegante científico do século XVI.

Panorámica dende o Campiño de Santa María. A Caeira, outro mundo. Sería bo que alguén dese con fotografías da panorámica da Xunqueira d´Alba, dende esa perspectiva.

Anteproiecto de Covsa, prá que Mosquera sigue a denominar nova ponte das Correntes.

Pontevedra, 4.07.2008

Entrada n. 544 do blog.

A PONTE DAS CORRENTES,
por Xesús López Fernández.

Na vella ponte das Correntes hai tempo que non se aprecia a entrada forte das augas, ó encher, ou ó saire, como se pasara por unhas turbinas, no devalo. Alí había, ademáis, un pozo de certa consideración, hoxe desaparecido, como desapareceu tamén o canal central do río-ría.

¿Cal foi a causa de tal desfeita ecolóxica? Pois..., nen máis nen menos que a desecación das xunqueiras, salvagarda do ecosistema, que non queren recuperar máis alá do primeiro amago de Juan Luís Pedrosa coa Xunqueira d´Alba, actuación primeira que abandonaron no canto de afondar máis na línea xa marcada. Xusto é tamén lembrar que foi con Pedrosa e por pago vil da peaxe que prá gobernación lle fixara Eladito Portela, cando se construeu o pabellón prás Construgalias e Ferpalias, hipotecando aínda máis o espacio da gran xunqueira, monte comunal dos veciños de Lérez. E coido que tamén foi obra súa o Auditorio.

Cando está en marcha a elaboración do PXOM, son as actuaciós promovidas por Mosquera: a ponte das Correntes, o scalextric de Mollabao, as que van claramente en contra da recuperación do capital natural que recomenda a Axenda21Local.

A ponte que se encirra en levar adiante, seguramente pra deixare infrautilizada a ponte do Burgo e integrala así máis no marco da Feira Franca, marca, de certo, unha presión de dimensiós aínda desconocidas sobre a Xunqueira d´Alba, a posible delimitación de espacios pró trinque urbanístico, como sobre Lourizán vai face-lo scalextric de Mollabao e a edar ilegal d´Os Praceres.

Tristemente vivimos nunha sociedade sen pulso vital, de tantos anos que levamos sometidos, vendo como se arruina a nosa cidade, o noso entorno.

Anteproiecto de Ferrovial, un dos expostos na Casa das Campás.