PONTEVEDRA E A EURORREXIÓN

Na remodelación da cidade acometida polo BNG fóronse degradando non poucos espacios, como este que fora local das oficinas da Policía Local, agora recanto de miseria.

Este é o novo pavimento da rúa Real cando non hai dous anos qu´o colocaron. O anterior, corrrespondente a obra do alcalde Hevia, levaba intacto dende a década do 1940. Adoquíns de porpiaño poderían durar ata a eternidade. Pero a esta "obra nova", política de baldosa que escacha por toda a cidade, chámanlle obra de "accesibilidade". E se autopremian, como temos dito algunha vez.

Pontevedra, 12.12.2008

Entrada n. 748 do blog

PONTEVEDRA E A EURORREXIÓN,

por Xesús López Fernández

[LA VOZ DE GALICIA, 12.12.2008. Pontevedra xoga a baza da súa situación no centro da Eurorrexión....]

Despois de se ter pronunciado Touriño por Vigo como capital da Eurorrexión, en Pontevedra, a capital do involucionismo puro e duro, da reconfiguración do Gulag, protestan. ¿Pero a santo de qué? ¿Qué poden facere aquí os nosos gobernantes mais que lle dar algún novo toque ó deseño funeral da cidade, agora cimiterio total cos cipreses prantados ante o Teatro Principal?

O goberno local presenta agora un novo plan de inversión, pra afronta-la crisis e mellora-la economía da cidade. ¿Cómo? ¿Con máis bolardos, máis corredoiras, máis peatonalización? Ese, naturalmente, non é o camiño. E parecen impotentes pra faceren outra cousa que outorgaren licencias a novas tabernas, ó que eles lle chaman economía de servicios, que non ten nada que ver co I+D+i. Unha verdadeira desgracia.

[La Voz de Galicia, 12.2.2008. O goberno local presenta o seu plan de inversión]

Unha mostra da impotencia pra configurare unha cidade dinámica, mercantil, témola no feito de que, a consecuencia de ter privado a Pontevedra de tránsito, afogaron o comercio e afogaron ós residentes. Se ata non foron capaces, tan comunistas eles, de deseñar un servicio de transporte colectivo, un servicio de autubuses!. I éso nunha cidade que foi pioneira na presencia de tranvía a vapor, tranvía eléctrico, trolebuses, agora morta total!

Se no seu día apuntara o alcalde anterior, Juan Luís Pedrosa, a súa pretensión de convertir en parking os 9000 mt2 da zona que albergou o mercado provisional e a súa unión, por medio dunha pasarela peatonal, prá dinamización da zona vella ou do mercado unha vez fose rehabilitado, agora están a pensaren estos naquela solución --na pasarela non, que tanto non pensan-- e queren procurar de Costas a pertinente concesión, por interese xeral. ¿Por interese xeral peatonalizaron, arrasaron, arruinaron todo?

Pero tampouco parece que Costas ande moi acertada á hora de querer facer nese espacio un monumento, unha alegoría ó parque das Illas Atlánticas. Non. A mellor alegoría que poderían facere sería a de defende-la costa toda e a de reconquistaren aí, pró mar, a zona do Goio que lle era propia.

[La Voz de Galicia, 12.12.2008. F. Lores quere alegar ante Costas o interese xeral como argumento pra asentar no lugar o aparcamento]

Está claro que de capital da Eurorrexión nada de nada. En todo caso, Gran Allariz, gran aldea. Máis non poden sacar do seu cerebelo estos gobernantes.